KARAVANOJ

TRAJNOJ

Se vi deziras ricevi detalajn informojn pri eblaj trajnkonektoj al IJK, vi povas aboni al sekvaj aŭtomate ĝisdatigitaj kalendaroj.

• el suda Germanio kaj Aŭstrio

• el Belgio

• el Francio

• el Hungario

• el Nederlando

• el Pollando

El Litovio

Per trajnoj vi povas atingi Klaipėda de ĉiuj plej grandaj urboj de Litovio.

• La oficiala retejo por kontroli kaj aĉeti trajnbiletojn estas tiu ĉi.
• Nepre kontrolu buskonektojn, ĉar estas pliaj kaj pli rapidaj konektoj. Kontrolu tie ĉi.

Post kiam vi atingas Palanga aŭ Klaipėda, kontrolu kiun buson vi prenu por atingi Šventoji. De Palanga iras urbaj busoj ĉiutage al Šventoji, pro tio ni forte rekomendas veturi al Palanga. Kontrolu la bushoraron al Šventoji ĉi tie. De Klaipėda iras urbaj busoj al Palanga: 31-a buso, kiu foriras de busstacidomo, 15-a kajo. La bushoraron kontrolu ĉi tie.

El Latvio

Se vi vojaĝas tra Latvio, ekzistas rekta trajno inter Rigo al Vilno. Ĝi veturas, interalie, tra Šiauliai. Poste, de Šiauliai vi povas ŝanĝi trajnon al Klaipėda. Tio estas la nura maniero atingi Litovion trajne el la norda landlimo kun Europa Unio. Vi povas legi informojn pri tiu ĉi internacia trajno ĉi tie

• Aĉetu bileton ĉe litova trajnretejo.

La trajno forveturas el Rigo ĉiutage, ankaŭ dimanĉe, je 15:28.

Trajno 891

Trajno 783

Je tiu alvenhoro ne plu estos publikaj busoj al Šventoji, pro tio ni forte rekomendas preni buson de Rīga al Klaipdėda.

De Rīga al Klaipdėda

Kaj de tie veturu rekte al Šventoji:

Klaipėda - Šventoji

El Pollando

Se vi vojaĝas tra Pollando, ekzistas rekta trajno inter Krakovo al Vilno. Ĝi veturas, interalie, tra Varsovio, Bjalistoko kaj Kaŭno. Tio estas la nura maniero atingi Litovion trajne el la suda landlimo kun Europa Unio. Vi povas legi informojn pri tiu ĉi speciala internacia trajno ĉi tie

• Aĉetu bileton ĉe litova aŭ pola trajnretejo.

La trajno forveturas ĉiutage, ankaŭ dimanĉe, el Krakovo je 4:39 kaj alvenas al Kaŭno je 16:28. Atentu, ke la trajno povas malfruiĝi.

Trajno 144/24

Daŭrigu la vojaĝon ĝis Klaipėda samtage pere de litova BUSO:

Kaunas - Palanga

Daŭrigu la vojaĝon per loka urba buso de Palanga al Šventoji. Biletoj aĉeteblas nur en la buso, vi povas pagi nur per kontanta mono.

Palanga - Šventoji

Horaro:

El Ĉeĥio, Hungario kaj Slovakio tra Pollando

Rektaj trajnoj konektas Pragon kaj Budapeŝton kun Varsovio. Estas du branĉoj:

• Ĉeĥa branĉo forveturas el Prago tra Ostrava kaj Katowice (dumtage) kaj Ostrava kaj Krakovo (dumnokte). Ĝi ne trairas Bratislavon.
• Hungara branĉo forveturas el Budapest-Nyugati tra Bratislavo por daŭrigi tra Ostrava kaj Katowice (dumtage) kaj Ostrava kaj Krakovo (dumnokte).

Jen temposkemo de tagaj opcioj. Atentu: ili ne trairas Krakovon. Kaptu trajnon sabate, la 17-an de aŭgusto, tranoktu en Varsovio kaj daŭrigu la vojaĝon per internacia trajno al Vilno dum dimanĉa frumateno.

El Prago:

El Budapeŝto aŭ Bratislavo:

Se vi preferas noktan trajnon, vi devos kapti ĝin vendrede vespere, la 16-an de aŭgusto. Atentu: nokta trajno ne trairas Katowice, sed vi povas elekti, ĉu turismumi en Krakovo aŭ Varsovio, ĉar la nokta trajno trairas ambaŭ urbegojn. Turismumu sabate, tranoktu en unu el ili kaj vekiĝu frue dimanĉe matene por daŭrigi la vojaĝon per internacia trajno al Vilno.

El Prago:

El Budapeŝto aŭ Bratislavo:

El Germanio tra Pollando

Ekzistas regula kaj rekta trajnkonekto inter Berlino kaj Varsovio. Por pluveturi per la internacia trajno el Varsovio, vi bezonos kapti trajnon el Berlino tage, plej malfrue sabate la 17-an, kaj tranokti en Varsovio. La lastaj du tagaj trajnoj al Varsovio forlasas Berlinon je la 15:52 kaj je la 17:52.

• Aĉetu bileton ĉe germana aŭ pola trajnretejo.

Berlinon vi povas atingi dumtage el Hamburgo, Frankfurto, Munĥeno, Hanovro kaj multaj aliaj germanaj urboj per rapidtrajnoj aŭ Deutschland-Ticket. Certiĝu, ke vi alvenos almenaŭ antaŭ la 17:52 por kapti la lastan trajnon al Varsovio.

El suda Germanio kaj Aŭstrio tra Pollando

El Munĥeno vi povas atingi Krakovon aŭ Varsovion tra Vieno kaj Ostrava pere de nokta trajno. Atentu: ĝi ne trairas Bratislavon. Vi bezonos alveni tagon pli frue al Krakovo aŭ Varsovio por ĝustatempe kapti internacian trajnon al Litovio dum sekva mateno.

• Aĉetu bileton ĉe aŭstra aŭ pola trajnretejo.

El Nederlando tra Germanio kaj Pollando

El Amsterdamo veturas rekta rapidtrajno al Berlino. Komencu vian vojaĝon plej malfrue sabate, la 17-an de aŭgusto, kaj ŝanĝu en Berlino al trajno ĝis Varsovio (frua opcio) aŭ Krakovo (malfrua opcio).

• Aĉetu bileton ĉe germana aŭ nederlanda trajnretejo.

Frua opcio:

Pluiru per frumatena trajno el Varsovio al Vilno!

Malfrua opcio:

Pluiru per frumatena trajno el Krakovo al Vilno!

En la centra stacidomo de Berlino estas multe da lokoj por ripozi, aĉetumi kaj manĝi. Se vi estas turismema, eblas registriĝi por senpage viziti la Germanan Parlamentan Konstruaĵon, kiu piedire atingeblas el la centra stacidomo, aŭ kuŝi ĉe herbejo en Spreebogenpark aŭ en Platz der Republik.

El Belgio tra Germanio kaj Pollando

La trajnveturado el Belgio similas al tiu el Nederlando. El Bruselo foveturas rapidtrajnoj al Berlino kun ŝanĝo en Kolonjo. Komencu vian vojaĝon plej malfrue sabate, la 17-an de aŭgusto.

• Aĉetu bileton ĉe germana aŭ belga trajnretejo.

El Berlino, kaptu trajnon ĝis Varsovio kaj pluiru per frumatena trajno el Varsovio al Vilno.

Alternativo estas kapti trajnon ĝis Krakovo kaj pluiru per frumatena trajno el Krakovo al Vilno.

El Italio

Pretiĝu por longa vojaĝo! Vi bezonos foriri jam vendrede, la 16-an de aŭgusto, kaj tranokti en du malsamaj urboj.

El Bolonjo, Venecio kaj Verono eblas veturi al Berlino dumtage per unu sola trajnŝanĝo. Jen ekzemplo el Bolonjo:

Frua opcio:

Malfrua opcio:

Tranoktu en Berlino kaj pluiru al Varsovio dum sabato, la 17-a de aŭgusto. Post plia tranokto en Varsovio, vekiĝu frue por kapti frumatenan internacian trajnon al Vilno dimanĉe, la 18-an de aŭgusto.

Alternative, atingu Rosenheim (en Germanio) dum vendredo, la 16-an de aŭgusto, per unu el la supraj konektoj al Munĥeno. La nokta trajno Munĥeno-Varsovio trairas Rosenheim je la 19:22 kaj alvenas sabate matene.

Tranoktu en Varsovio kaj kaptu internacian trajnon al Vilno dum dimanĉa frumateno.

• Aĉetu biletojn ĉe aŭstra aŭ germana trajnretejo.

El Svislando

Ankaŭ svislandloĝantoj havas 2 opciojn:

• nordan tra Munĥeno, Berlino, Varsovio + el Varsovio ĝis Vilno

• sudan tra Munĥeno/Salzburg, Aŭstrio, Slovakio (per nokta trajno), Varsovio + el Varsovio ĝis Vilno

Norda vojo tra Berlino

Se vi povas forveturi nur sabate, foriru frue al Munĥeno por kapti rapidtrajnon al Berlino.

El Berlino, kaptu lastan trajnon al Varsovio aŭ Krakovo:

Tranoktu en Varsovio aŭ Krakovo por kapti dimanĉan frumatenan trajnon al Vilno (sekcio "El Pollando").

Suda vojo tra Munĥeno kaj Aŭstrio

Se vi povas jam forveturi vendrede, atingu dumtage Munĥenon (Germanio) ĝis 18:35 aŭ Salzburg (Aŭstrio) ĝis 20:30. Estas multaj rapidaj kaj malrapidaj konektoj. Kaptu la noktan trajnon EN 406 priskribita supre (sekcio "El suda Germanio") ĝis Krakovo aŭ Varsovio. Urbumu kaj tranoktu en Pollando (en Krakovo aŭ Varsovio) por forveturi dimanĉe frumatene al Vilno (sekcio "El Pollando").

El Francio

Por veturi al IJK trajne el Francio, pretiĝu por longa vojaĝo kun multe da neatenditaĵoj. Ajnakaze, prefere oni forveturu jam vendrede, la 16-an de aŭgusto. Opcioj longas sed abundas:

• Belga vojo tra Bruselo, Kolonjo, Berlino + el Varsovio/Krakovo ĝis Vilno

• Norda vojo tra Strasburgo, Berlino + el Krakovo ĝis Vilno

• Norda vojo tra Kolonjo al Kiel + pramŝipo al Klaipeda

• Suda vojo al Munĥeno + nokta trajno al Varsovio + el Varsovio ĝis Vilno

Belga vojo

Plej simpla vojo por francloĝantoj estas atingi Bruselon vendrede, tranokti tie kaj forveturi sabate, ĉiam tra Berlino kaj Varsovio/Krakovo, laŭ la sekcio "El Belgio". Bruselo atingeblas ene de unu tago preskaŭ el ĉiuj grandaj francaj urboj.

Norda vojo tra Berlino

Berlinon vi bezonas atingi antaŭ la 15:52 sabate posttagmeze, kun la celo kapti trajnon al Varsovio (legu sekcion "El Germanio tra Pollando") kaj tranokti tie por kapti frumatenan trajnon al Vilno (en sekcio "El Pollando"). Sonas facile, sed bedaŭrinde, atingi Berlinon tiom frue povas esti defio, ĉar malabundas tiom fruaj konektoj kaj planitas forstrekoj de tempotaŭgaj rapidtrajnoj (konsultu DB.de por kontroli pri forstreko de trajnoj inter Parizo kaj Frankfurto aŭ Kolonjo kaj Berlino). Alternativo estas atingi Berlinon ĝis la 17:03 por kapti trajnon al Krakovo, kiu daŭre estus defio.

El preskaŭ ĉiuj urboj en Francio, inkluzive el Parizo, indas plani tranokton en Strasburgo inter vendredo kaj sabato. El Strasburgo, eblas veturi al Berlino tiamaniere, sabate:

Pluiru per konekto al Krakovo kaj poste kaptu frumatenan trajnon al Vilno.

Norda vojo per pramŝipo

Trajna plus ŝipa alternativo estas atingi Kiel dum vendreda tago kaj tie kapti pramŝipon al Klaipeda. Tio eblas ĝustatempe preskaŭ nur el Parizo kaj Strasburgo.

Suda vojo tra Munĥeno kaj Aŭstrio

Se vi kapablas forveturi vendrede sed preferas urbumi en Munĥeno ol en Strasburgo, atingu Munĥenon antaŭ la 18:35 vendrede vespere por kapti la noktan trajnon EN 406 al Pollando. Daŭrigu laŭ la sekcio "El suda Germanio" kaj "El Pollando". Vi sukcesus eĉ forveturante el sudokcidenta Francio.